«Արաբկիր» ԲԿ-ում մահացել է ԱԺ նախկին պատգամավոր Մարտուն Գրիգորյանի եղբոր 2.5 ամյա դուստրը



Դիտումներ ` 2430
«Արաբկիր» ԲԿ-ում մահացել է ԱԺ նախկին պատգամավոր Մարտուն Գրիգորյանի եղբոր 2.5 ամյա դուստրը

armtimes.com-ը գրում է. Երեւանի «Արաբկիր» բժշկական համալիրում այսօր ցերեկը եւս մեկ երեխայի մահվան դեպք է գրանցվել: Պտտվող լուրերի համաձայն, 2.5 տարեկան փոքրիկը մահացել է սուր շնչառական վարակների պատճառով: Նա «Արաբկիր» էր տեղափոխվել Գյումրի քաղաքից:

Համալիրի բժշկական տնօրեն Նինա Արիկյանցը հաստատեց վերոնշյալի միայն մի մասը: Ասաց, որ թեպետ երեխան մահացել է, բայց պատճառը եղել են ոչ թե սուր շնչառական վարակները, այլ սրտի բնածին արատը: Նա գտնվել է Կարդիոլոգիայի ինստիտուտի մասնագետների հսկողության տակ: Իսկ «Արաբկիր» տեղափոխվել է հունվարի 6-ին՝ «Գյումրի» բժշկական կենտրոնից:

Այսօր հայտնի էր դարձել «Արաբկիրում» եւս մեկ երեխայի մահվան մասին: Դեպքը տեղի էր ունեցել գիշերը:

Քիչ առաջ  հայտնի է  դարձել, որ 2.5 տարեկան երեխան՝ Հասմիկ Գրիգորյանը, ԱԺ նախկին պատգամավոր Մարտուն Գրիգորյանի եղբոր`Ռուստամ Գրիգորյանի դուստրն է: Մի քանի օր շարունակ բժշկական համալիրի բուժանձնակազմը պայքարել է փոքրիկի կյանքի համար, ավաղ, այսօր` կեսօրին վերակենդանացման բաժանմունքում 2,5 տարեկան Հասմիկը մահացել է:

Մանրամասները՝ սկզբնաղբյուր կայքում



loading...